Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

Səfir: Azərbaycan bütün dünya üçün tolerantlıq nümunəsidir

“Hər iki ölkə münaqişələrin həllində sülh prosesinə böyük əhəmiyyət verir”.

Azərbaycan təkcə İsrail üçün yox, bütün dünya üçün tolerantlıq nümunəsidir.

“Din.az”ın Trend-ə istinadən verdiyi məlumata görə, bunu Bakıda mətbuat konfransı zamanı İsrailin Azərbaycandakı səfiri Dan Stav deyib.

Səfir bu il Azərbaycan və İsrail arasında münasibətlərin 25 illiyinin qeyd olunduğunu deyib: “Bizim münasibətlərimizin qədim tarixi var. Yəhudi xalqı Azərbaycanla birgə onun sevinclərini və kədərlərini paylaşıb”.

D.Stav qeyd edib ki, iki ölkə arasında çoxlu ortaq cəhətlər var: “Hər iki ölkə münaqişələrə baxmayaraq, uğurlu inkişafı davam etdirib, hər iki ölkə münaqişələrin həllində sülh prosesinə böyük əhəmiyyət verir”.

Səfir ölkələr arasında uğurlu iqtisadi əməkdaşlığın mövcud olduğunu qeyd edib.

O, İsrailin TAP və TANAP layihələrində iştirakını istisna etməyib.

Onun sözlərinə görə, tərəflər energetika sahəsində əməkdaşlığı inkişaf etdirir və ötən il iqtisadi çətinliklərə baxmayaraq Azərbaycanla İsrail arasında ticarət dövriyyəsi daha da artıb.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

www.islam.com.az

www.islam.com.az