RAMZAN KADIROV İKİNCİ XANIM ALMAĞA İCAZƏ VERDİ

“Boşanmış və ayrı yaşayan ailələrin uşaqları sonda ya quldur, ya da terrorist olur”.
Ramzan Kadırov terrorla yeni mübarizə üsulu tapıb.
Din.az A24.az-a istinadən xəbər verir ki, Çeçenistan prezidenti Ramzan Kadırov ölkədəki bir çox problemlərin boşanmış ailələrdən irəli gəldiyini əsas gətirərək boşanmış ər və arvadları birləşdirməyə başlayıb.
Belə ki, iyun ayında Qroznıdakı çıxışında ” boşanmış və ayrı yaşayan ailələrin uşaqları sonda ya quldur, ya da terrorist olur. Bunun qarşısını ailələri birləşdirməklə ala bilərik” demişdi.
Kadırovun bu sözlərindən sonra Çeçenistanın bütün bölgələrində “Ailə uyğunluq komissiyası” yaradılıb.
Komissiyalara yerli idarəçilər, din adamları və ağsaqqal heyyəti daxil edilib.
Çeçenistan televiziyasının xəbərinə görə, artıq 948 ailə birləşdirilib.
Qeyd edək ki, ərləri ilə barışdırılan qadınlar Rusiya Federasiyasının qanunlarına zidd olmasına baxmayaraq, ikinci arvad olaraq da ailəyə qaytarılır.