“Azərbaycanlı zəvvarların 20 faizində öskürək, zökəm müşahidə olunur”.

Məkkədə havanın temperaturunun 40 dərəcədən yuxarı qalxması zəvvarların işini bir az çətinləşdirsə də, səhhətlərində heç bir problem yoxdur.

Din.az “A24.az”-a istinadən bildirir ki, bu barədə “Report”a Qafqaz Müsəlmanları İdarəsindən (QMİ) məlumat verilib.

Bildirilib ki, bu gün zəvvarlar Kəbədə cümə namazı qılıblar: “Sentyabrın 9-dan başlayaraq zəvvarlarımız Mədinəyə yola düşəcək, üç gün həmin şəhərdə qalacaq, peyğəmbərin qəbrini ziyarət edəcək, Məscid ən-Nəbəvidə namaz qılacaqlar. Azərbaycanlı hacılar sentyabrın 12-də günorta saatlarından etibarən Bakıya qayıtmağa başlayacaqlar”.

QMİ-dən qeyd olunub ki, azərbaycanlı zəvvarların 20 faizində öskürək, zökəm müşahidə olunur: “Onların səhhətində ciddi narahatlıq yaradan problem yoxdur. Soyuqdəymə halları həkimlərin müdaxiləsi ilə aradan qaldırılır. Ən yaşlı zəvvarın (86 yaşlı xanım) da vəziyyəti yaxşıdır”.