Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

Nazirlik: Qurbanlıq heyvanlar nisbətən ucuz qiymətə satışa çıxarılacaq

“Bütün heyvanlar baytarlıq xidməti tərəfindən müayinə olunub”.

Bakıda Qurban bayramı ilə əlaqədar təşkil ediləcək satış yarmarkalarında qurbanlıq heyvanlar bazara nisbətən daha ucuz qiymətə təklif olunacaq.

Din.az bildirir ki, bunu “Report”a açıqlamasında Kənd Təsərrüfatı Nazirliyinin Mətbuat xidmətinin rəhbəri Murtuzəli Hacıyev bildirib.

“Bayram ərəfəsində Bakıya 3 500-ə yaxın xırdabuynuzlu erkək heyvan gətiriləcək. Bu heyvanlar ilk dəfə olaraq Kənd Təsərrüfatı Nazirliyinin tabeliyində olan Dövlət Kənd Təsərrüfatı İstehsal Müəssisəsindən satışa çıxarılacaq”, – deyə o qeyd edib.

M.Hacıyev əlavə edib ki, heyvanlar baytarlıq xidməti tərəfindən müayinə olunub. Hazırda satışa çıxarılacaq heyvanların qiymətinin maksimum dəyəri müəyyənləşdirilir.

Xatırladaq ki, Bakıda qurbanlıq heyvanların satışı Nərimanov (Əliyar Əliyev küçəsi,26; Keşlə bazarının yanı), Xətai (“Nargilə” kafesinin yanı), Səbail (Badamdar qəsəbəsi, Seymur Məmmədov küçəsi,8) və Yasamal (Şərifzadə küçəsi, 196; “İdeal” şadlıq sarayının həyəti) rayonlarında təşkil olunacaq.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

www.islam.com.az

www.islam.com.az