Nazir andiçmə mərasimində əlində Quranla zala daxil oldu.

Kanadanın baş naziri Jastin Tryudo 6 naziri dəyişdirib.

“Din.az” Türkiyə mətbuatına istinadən xəbər verir ki, hökumətdə edilən dəyişiklik nəticəsində iki nazir siyasətdən uzaqlaşaraq səfir, bir müsəlman siyasətçi isə nazir təyin olunub. Nazir təyin edilən Əhməd Hussen andiçmə mərasimində əlində Quranla zala daxil olub, mərasimin sonunda “Allah köməyim olsun!” deyib.

Verilən məlumata əsasən, Əhməd Hussen Somali əsilli, Liberallar Partiyasından millət vəkilidir. Kanadanın ilk müsəlman naziri olan Demokratik Təşkilatlar üzrə katib Məryəm Monsef, Qadınların Statusu Nazirliyinə təyin edilib.

FETO-nun 15 iyuldakı dövlət çevrilişinə cəhdindən sonra Pendik və Kısıklı meydanlarında səhərə qədər demokratiya uğrunda növbə çəkərək Türkiyə xalqının qəlbini fəth edən kanadalı millət vəkili Əhməd Hussen, Kanadanın vətəndaşlıq və miqrasiya naziri təyin edilib.