Uca Allah buyurur::

“Üzünüzü və dirsəklərə qədər əllərinizi yuyun, başınıza məsh çəkin və topuqlara qədər ayaqlarınızı yuyun (məsh çəkin). Natəmiz olmusunuzsa, yuyunun!”

"Maidə" surəsi, 5/6

Mübariz Qurbanlı: İslam dünyasına zərbə vurmaq üçün məzhəblər arasında qarşıdurma yaradırlar

“İslam həmrəyliyi ili bizim gələcək inkişafımız üçün böyük dəstək olacaq”

Bu gün insanlıq qarşısında duran ən böyük məsələ dünyanı qorumaqdır. Hazırda dünya çox təhlükəli bir mərhələ yaşayır, dünyada çoxsaylı münaqişələr var, elə bizim regionda bir neçə münaqişə var, o cümlədən, Azərbaycan erməni təcavüzünə məruz qalıb.

“Din.az”ın Trend-ə istinad etdiyi məlumata görə, bunu Dini Qurumlarla İş üzrə Dövlət Komitəsinin sədri Mübariz Qurbanlı bu gün “İslam həmrəliyi: dini və mədəni müxtəlifliyin harmoniyası” adlı beynəlxalq konfransda deyib.

M.Qurbanlı bildirib ki, 67 ölkənin ərazisində silahlı toqquşmalar baş verir:

“Bunun nəticəsində 65 milyon insan öz yurdundan didərgin düşüb. Dünyada olan müharibə ocaqlarının böyük hissəsi də müsəlman ölkələrinin payına düşür. İslam dünyasının inkişafını ləngitmək üçün kənardan məzhəblər arasında qarşıdurma yaradırlar. Ona görə də islam həmrəyliyi bu gün çox vacibdir. Azərbaycan Prezidenti İlham Əliyevin İslam həmrəyliyi ili elan etməsi İslam dünyasına böyük çağırış olmaqla, bizim gələcək inkişafımıza böyük dəstək verəcək”.

Komitə sədri qeyd edib ki, dünyada islamı terrora bağlamağa cəhd edirlər:

“Bu gün terroru islama bağlamaq cəhdi edilir və sonradan məlum olur ki, bunu törədən müsəlman deyil. Ona görə də islam dünyası nə qədər bir olarsa, bu gərginliyə, təzyiqlərə kollektiv cavab vermək olar”.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

www.islam.com.az

www.islam.com.az