Terrorçular hücumları müqəddəs Ramazan bayramı gününə planlaşdırıblar.

Misirdə xristian məbədlərinə özünü partladaraq terror aktları törətməyi planlaşdıran 6 silahlı saxlanılıb.

Din.az “APA”ya istinadən xəbər verir ki, bu barədə Misirin DİN-nin məlumatında bildirilir.
Məlumata görə, terrorçular hücumları müqəddəs Ramazan bayramı günü və iyunun 30-da – sabiq prezident Məhəmməd Mursinin hakimiyyətdən devrildiyi gün həyata keçirməyi planlaşdırıblar.
Qeyd edək ki, Misirdə yaşayan xristian koptlar mütəmadi terrorçuların hücumuna məruz qalırlar.
Xatırladaq ki, mayın 26-da radikallar Misirin cənubunda xristian zəvvarların olduğu avtobusu gülləbaran ediblər. Nəticədə 29 nəfər ölüb, 20 yaralanıb.