Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

İran prezidenti: “İslam dünyası Myanmada baş verən cinayətlərin qarşısında səssiz dura bilməz”

“Bu gün Myanmada böyük insani faciə, dini və irqi təmizləmə həyata keçirilir”.

İran prezident Həsən Ruhani bu gün Qazaxıstana səfər edib.

Din.az APA-ya istinadən bildirir ki, H.Ruhani İslam Əməkdaşlıq Təşkilatına üzv ölkələrin rəhbərlərinin Qazaxıstanda keçiriləcək toplantısında iştirak edəcək.

H.Ruhani səfərdən öncə jurnalistlərə açıqlamasında bildirib ki, Astanada keçiriləcək iclas çərçivəsində İƏT-ə üzv ölkələrin rəhbərlərinin Myanmadakı vəziyyəti müzakirə etmək üçün görüşü baş tutacaq:

“Bu gün Myanmada böyük insani faciə, dini və irqi təmizləmə həyata keçirilir. Yüzlərlə müsəlman öz evlərindən didərgin düşüb. İslam dünyası bu cinayətlərin qarşısında səssiz dura bilməz”.

H.Ruhani Myanmarda baş verən cinayətlərə görə beynəlxalq qurumların sükutunu tənqid edib: “Myanma hökuməti və ordusuna təzyiqlər artırılmalıdır. Beynəlxalq təşkilatlar daha aktiv olmalıdırlar. Bu ölkənin qonşuları, o cümlədən Çin və Banqladeş qaçqınlara yardım məsələsində əməkdaşlıq etməlidir”.

H.Ruhani deyib ki, Astanada keçiriləcək iclasda İƏT ölkələri rəhbərləri əsasən elm və texnologiyalar mövzusunda müzakirələr aparacaqlar: “Yoxsulluq, işsizlik, ərzaq çatışmazlığı, ekologiya, su və energetika problemlərini elm və texnologiyaların sayəsində həll etmək mümkündür”.

Qeyd edək ki, elan olunmuş proqrama əsasən, İran prezidenti Həsən Ruhani yaxın zamanlarda BMT Baş Assambleyasının iclasında iştirak etmək üçün Nyu Yorka səfər edəcək.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

www.islam.com.az

www.islam.com.az