Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

Hər il ölkəmizdə 500-dək intihar hadisəsi baş verir

Son dövrlər təəssüf olsun ki, intiharların sayı artır.

“İntihar fikri birdən-birə yaranmır, insan yavaş-yavaş depressiv vəziyyətə düşür və çıxış yolu axtarır…”

Din.az Sputnik.az-a istinadən bildirir ki, özünəqəsdlərin, intiharların öz spesifikası var. Dünya statistikasına görə, intiharlar, əsasən şimal və cənub bölgələrində baş verir. Azərbaycan şərq bölgəsində yerləşdiyi üçün belə halların sayı az idi. Amma son dövrlər, təəssüf olsun ki, bu sayda artım hiss edilir”.

Bu gün Sputnik Azərbaycan Multimedia Mərkəzində keçirilən tədbirdə, psixoloq Azad İsazadə belə açıqlama verib. Onun sözlərinə görə, intihar fikri birdən-birə yaranmır: “İnsan yavaş-yavaş depressiv vəziyyətə düşür və çıxış yolu axtarır. Tapa bilməyəndə dünyasını dəyişmək fikrinə düşür”.

“Onların daxilində güclü ağrılar olur. Bundan başqa ani intihar qərarı da mövcuddur. Belə vəziyyətlərdə insanlar ani qərar verir. Bu da onun səbrinin son damlası olur. Misal üçün deyə bilərəm ki, hər il yay aylarında bir neçə abituriyent qəbul olmadığı üçün intihar edir. İmtahandan kəsilmə axırıncı damla olur. Bundan öncə isə həmin insanlarda aylarla yığılıb qalan fikirlər olur” — psixoloq bildirib.

Kriminal xəbərlər üzrə ixtisaslaşmış jurnalist Ramella İbrahimxəlilovanın sözlərinə görə, son illər borclara görə intiharların sayı artıb: “Hər il ölkəmizdə 500-dək intihar hadisəsi baş verir. Bunun 200-220-si qadınların payına düşür”.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

www.islam.com.az

www.islam.com.az