Dinimizin tələb və tövsiyyələri baxımından bayrağa, vətənə məhəbbət nə dərəcədə zəruridir…

Noyabrın 9-u Dövlət Bayrağı Günüdür.

Dinimizin tələb və tövsiyyələri baxımından bayrağa, vətənə məhəbbət nə dərəcədə zəruridir və dinimizin təbliği çərçivəsində məscidlərimizdə bayraq və vətən sevgisi ilə bağlı lazımi maarifləndirmə işi aparılırmı?

Din.az bildirir ki, Moderator.az-ın sualını cavablandıran Dini Qurumlarla İş üzrə Dövlət Komitəsinin sədr müavini Gündüz İsmayılov, sözügedən məsələlərin hər zaman diqqət mərkəzində saxlanıldığını vurğulayıb:

“Biz İslamda vətən və bayraq sevgisi, vətən və bayraq qarşısında borcumuz, dinimizin hər ikisinə münasibəti barədə ayrıca kitablar nəşr etmişik. Həmin kitablar məktəblərdə, məscidlərdə, gənclər və yeniyetmələr arasında, silahlı qüvvələrimizdə, hətta həbsxanada paylanılıb.

O ki qaldı, məscidlərdə təbliğata, bu iş gedir. Əlamətdar günlərdə, o cümlədən Bayraq Günündə ibadət evlərində bu barədə din xadimləri tərəfindən söhbətlər edilir”.