Millət vəkili Fazil Mustafa ilahiyyatçı Elşad Mirinin bir neçə gün əvvəl APA.Tv-də yayınlanan, lakin cəmiyyətin bəzi üzvləri tərəfindən qəbul edilməyən reportajına dəstək nümayiş etdirib. “Din.az” “A24.Az”a xəbər verir ki, deputat özünün sosial şəbəkədəki hesabında ilahiyyatçı barədə bunları qeyd edib: “İlahiyyatçı Elşad Mirinin APA.Tv-də yayınlanan bir reportajını paylaşdım. Həm də bilərəkdən. Çünki adam deyir ki, İslam […]

Millət vəkili Fazil Mustafa ilahiyyatçı Elşad Mirinin bir neçə gün əvvəl APA.Tv-də yayınlanan, lakin cəmiyyətin bəzi üzvləri tərəfindən qəbul edilməyən reportajına dəstək nümayiş etdirib.

“Din.az” “A24.Az”a xəbər verir ki, deputat özünün sosial şəbəkədəki hesabında ilahiyyatçı barədə bunları qeyd edib:

“İlahiyyatçı Elşad Mirinin APA.Tv-də yayınlanan bir reportajını paylaşdım. Həm də bilərəkdən. Çünki adam deyir ki, İslam dini qatilliyə rəvac verən din deyil, Quranda baş kəsməklə, daş-qalaq etməklə bağlı ayələr səhv tərcümə olunub, sırf mərhəmət dinidir. Burada dindən çıxdığına görə adamı öldürmürlər, qadına zorakılıq tətbiq etmirlər…

Bu açıqlamalara etiraz edənlərin, adamın ata-anasını söyənlərin mühakiməsindən belə anlaşılır ki, İslam dini qatillik üçün, vəhşilik üçün, zorakılıq üçün ən əlverişli dindir, bu dini əlimizdən niyə alırsınız? Xeyirli olsun, İŞİD-in, Talibanın, əl-Kaidənin, Hizbullahın, FETO-nun, Həşdi-Sabinin, Boka-Haramın yaşatdığı, “gözəllik” gətirdiyi bu dininizi yaşayın, modern dünyada insanları yaşadığınız İslam adıyla Xortdan kimi qorxudun, bütün yenilikçi yanaşmaları yerindəcə boğun, daş-qalaq edin ki, təsəvvürlər dəyişməsin, baxışlar yeniləşməsin! Allah Azərbaycanı bu vəhşiləşmiş və acımasız insanların qafasındakı İslamdan qorusun!”

İlahiyyatçının APA.TV-yə verdiyi müsahibəni yenidən sizə təqdim edirik: