2050-ci ildə İslam dini dünyanın birinci dini olacaq.

“Din.az” bildirir ki, “İslamazeri.az”ın “Pewresearch” saytına istinadən verdiyi xəbərə əsasən, ABŞ-dakı bir araşdırmalar mərkəzi islam diniylə bağlı yeni proqnoz verib.

Vaşinqtonda yerləşən “Pew” araşdırmalar mərkəzinin hesabatına görə, 2050-ci ildə İslam dini dünyanın birinci dini olacaq.

Hesabata əsasən, 2010-cu ildə müsəlmanların sayı 1.6 milyard, yəni dünya əhalisinin 23%-nə bərabər olub. Həmin ildə xristianların sayı 2.2 milyard (dünya əhalisinin 31%-i) olub.

Araşdırmalar mərkəzinin əldə etdiyi qənaətə görə, 2050-ci ildə 2 din nümayəndələrinin sayı bərabərləşsə də, bu tarixdən sonra islam dünyanın birinci dini olacaq.

Mərkəz bunun əsas səbəbini, müsəlman ailələrin xristianlara nisbətdə daha çox övlada sahib olmaları olduğunu bildirib.