İftar süfrəsinə vaxtında çata bilməyən dindaşlarına su və xurma payladılar.

Mahaçqalada boksçular müqəddəs Ramazan ayı şərəfinə küçələrdə xeyriyyə aksiyası keçiriblər.

Din.az xəbər verir ki, aksiya çərçivəsində idmançılar oruc tutan və işlə bağlı iftar süfrəsinə vaxtında çata bilməyən dindaşları üçün su və xurma paylayıblar.

Tədbirdə Dağıstan Boks Federasiyasının prezidenti, dünya çempionu Albert Selimov və Dağıstan milli komandasının idmançıları iştirak ediblər.

Önümüzdəki günlərdə digər döyüş idman sənətləri nümayəndələrinin də respublikada bənzər aksiyalar keçirəcəyi gözlənilir. / Moderator.az