Koroğlu Nəqliyyat Mübadilə Mərkəzində (NMM) çay masası təşkil edilib.

Bakıda iftar zamanı yolda olan sərnişinlər üçün çay masası təşkil edilib.

Din.az bildirir ki, Bakı Nəqliyyat Agentliyindən Day.Az-a verilən məlumata görə, iftar zamanı yolda olan sərnişinlər üçün Koroğlu Nəqliyyat Mübadilə Mərkəzində (NMM) çay masası təşkil edilib. Belə ki, iftar vaxtı Mərkəzdə olan sərnişinlər masaya yaxınlaşaraq onlara təklif edilən su, çay və xurmadan istifadə edə bilərlər.

Aksiya BNA və “Azərsun Holding”in birgə təşkilatçılığı ilə keçirilir. BNA bir daha müqəddəs Ramazan ayında xalqımıza ən xoş diləklərini yetirir, ailələrinizə xoşbəxtlik, süfrələrinizə bol ruzi və xeyir-bərəkət arzulayır.