Uca Allah buyurur::

“Üzünüzü və dirsəklərə qədər əllərinizi yuyun, başınıza məsh çəkin və topuqlara qədər ayaqlarınızı yuyun (məsh çəkin). Natəmiz olmusunuzsa, yuyunun!”

"Maidə" surəsi, 5/6

“AZƏRBAYCANDAKI BÜTÜN MƏSCİDLƏRDƏ AZAN EYNİ VAXTDA VERİLMƏLİDİR”

“Birlik və həmrəyliyimizin nümayişi üçün bütün məscidlərimizdə azan eyni vaxtda verilməlidir”.

“Azərbaycanda fəaliyyət göstərən bütün məscidlərdə azan eyni vaxtda verilməlidir”.

Din.az Milli.Az-a istinadən bildirir ki, bunu report-a açıqlamasında Dini Qurumlarla İş üzrə Dövlət Komitəsinin Dinşünaslıq ekspertizası şöbəsinin müdiri Nahid Məmmədov deyib.

Onun sözlərinə görə, dövlət qeydiyyatından keçən dini icmalar hüquqi məsuliyyətlərini düzgün anlamağa çalışır, adətən, fəaliyyətlərində ciddi qanun pozuntularına yol vermirlər: “Son illərdə demək olar dini icmalar cinayət və ya inzibati qaydada hər hansı qanun puzuntusuna yol verməyiblər. Amma bu da bütün dini icmaların fəaliyyətinin bizi qane edəcək səviyyədə olduğu demək deyil. Müşahidələr dini icmaların inzibati hüquq pozuntusu sayılmayan, lakin ölkədəki ümumi dini harmoniyaya xələl gətirə biləcək nöqsanlara yol verdiklərini göstərir. Bu da, əsasən, azanın fərqli vaxtlarda verilməsi, “Quran” kurslarının təşkili, dini icma rəhbərlərinin məsuliyyət daşıdığı məscid və ibadətxanalara qarşı biganəliyi və s. kimi məsələlərlə bağlıdır. Belədə dini icma rəhbərlərinə nöqsanların dərhal aradan qaldırılması ilə bağlı xəbərdarlıq edilir. Bir daha xəbərdarlıq edirik ki, birlik və həmrəyliyimizin nümayişi üçün ölkənin bütün məscidlərində azan eyni vaxtda verilməlidir”.

N.Məmmədov bildirib ki, hüquq pozuntuları, əsasən, qeyri-qanuni fəaliyyət göstərən dini qruplarla bağlıdır: “Ümumiyyətlə, qanunvericiliyin pozulmasına görə il ərzində müxtəlif dövlət qurumları ilə birlikdə çoxsaylı tədbirlər görülüb. Bura dini ədəbiyyatların qanunsuz satışını həyata keçirmək, qanunsuz dini yığıncaqların təşkili kimi hüquq pozuntuları da daxildir. Bu hüquq pozuntuları ya cərimələrlə, ya da müvafiq olaraq cinayət məsuliyyətinə cəlb etməklə nəticələnib”.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

www.islam.com.az

www.islam.com.az