Avstraliyada pərəncənin qadağan edilməsi tələb edilir.

Avstraliyanın sağçı “Bir millət” Partiyasınin lideri Polin Henson Senatın iclasına pərəncə geyimində (gözlər də daxil olmaqla bədənin bütün hissələrini örtən geyim) gəlib.
Din.az Report.az-a istinadən xəbər verir ki, o, bununla ölkədə belə geyimin qadağan edilməsinə çalışıb.
Amma əvəzində Avstraliyanın Baş prokuroru Corc Brendis bu addımına görə P.Hensona xəbərdarlıq edib və bu addımla dini mənsubiyyət üzrə bir qrup insanın təhqir olunduğunu bildirib. O, ölkədə bu geyimin qadağası istəyini rədd edib və nəticədə müxalifət partiyalarının üzvlərinin alqışlarını qazanıb.
P.Henson pərəncədən ictimai yerlərdə istifadə olunmasına qadağa qoyulmasını müasir Avstraliyanın qarşılaşdığı mühüm problem kimi qələmə verib.