Quranın 2 yerində1 Allahın ölüləri dirildən (muhyil-məuta) adı qeyd edilir.

Muhyi Allahın adlarından biridir. Muhyi sözünün mənası ölüləri dirildən, can verən, həyatı xəlq edən, məxluqatı canlandıran deməkdir. Allahın öldürən mənası daşıyan Mumit adının ziddidir.

Quranın 2 yerində¹ Allahın ölüləri dirildən (muhyil-məuta) adı qeyd edilir.

Allahın bu adı əsmayi-hüsna hədisində də qeyd olunub.² Əlavə olaraq, Muhəmməd peyğəmbərdən nəql olunan bir hədisdə belə deyilir:

“Tək Allahdan başqa ilah yoxdur. Onun heç bir şəriki yoxdur. Mülk və həmd Ona məxsusdur. O, dirildir və öldürür”.³

Qeyd edək ki, ehya (ihya) və muhyi sözləri eyni kökdən əmələ gəlib.

1. Rum, 30/50; Fussilət, 41/39.
2. Tirmizi, Dəavat, 82.
3. Tirmizi, Dəavat, 36; Nəsai, Mənasik, 163; İbn Macə, Mənasik, 84.