İslam tarixinə qarşı etinasızlıq göstərilir.

Türkiyənin Mardin vilayətində yerləşən 9 əsrlik tarixi olan Hüsamiyyə mədrəsəsinin böyük hissəsi çöküb.

“Din.az” Türkiyə mətbuatına istinadən xəbər verir ki, tarixi və memarlığı ilə açıq hava altında muzey olan Hüsamiyyə mədrəsəsi laqeydliyin qurbanı olub. Mədrəsənin böyük hissəsində çökmə baş verib.

Mədrəsənin qayğıya ehtiyacı olduğunu qeyd edən Mehmet Səlim Parlakoğlu adlı vətəndaş belə deyib: “Məsələ ilə bağlı Mədəniyyət və Turizm İdarəsinin Muzey şöbəsinə müraciət etsək də təəssüf ki, bürokratik maneələrlə qarşılaşırıq. Orada əyləşənlər bu tarixi məkanın xilası üçün dövləti gözləyirlər. 6 ay əvvəl mədrəsənin möhkənm divarı da uçdu. Bu divarlar bir-birilərinin ardınca dağılacaq və təəssüf ki, tarix gözlər qarşısında yox olacaq”.