104 yaşlı qadını Ciddədə xüsusi təntənə ilə qarşıladılar.

2017-ci ilin ən yaşlı zəvvarı Məkkəyə yetişdi.

Din.az bildirir ki, Moderator.az-ın “Əl-Ərəbiyə” nəşrinə istinadla verdiyi xəbərə görə, 104 yaşlı İndoneziya vətəndaşı Mariya Marqani Muhammed Ciddə aeroportunda  xüsusi təntənə ilə qarşılanıb. 104 yaşlı zəvvarı qarşılayanlar arasında İndoneziyanın mədəniyyət naziri və Ciddədəki konsulu da olub.

Yaşının həddən yuxarı olmasına rəğmən qadın özünü yaxşı hiss edir və  bütün Həcc ayinlərini icra etməklə ziyarətini sonacan yekunlaşdırmaq niyyətindədir. Həkimlər 104 yaşlı müsəlman xanımın səhhətinin  normal olduğunu bildiriblər.

Xəbərdə xatırladılır ki, bu il İndoneziyadan Məkkəyə 220 min zəvvar yola düşüb.