Sərgi 3 gün davam edəcək

Milli Kitabxanada “Qədim tarixi Quran kitabları” sərgisi açılıb. 

“A24.az”ın APA-ya istinadən verdiyi məlumata görə, sərgi Mədəniyyət və Turizm Nazirliyi, Milli Kitabxana və Azərbaycan Qadınlar Cəmiyyətinin birgə təşəbbüsünə əsasən multikulturalizm ili münasibəti ilə təşkil edilib.

Sərginin açılışında çıxış edən M.F.Axundov kitabxanasının direktoru Kərim Tahirov bildirib ki, hazıra kitabxanada “Multikulturalizm Azərbaycanın həyat tərzidir” adlı guşəsi fəaliyyət göstərir. K.Tahirov sovet dövründə insanların dindən uzaqlaşmadığını, hər zaman tanrıya sitayiş etdiklərini, inanc yeri kimi Qurana and içib sığındıqlarını bildirib.

Qadınlar Cəmiyyətinin sədri Bahar Qasımova qeyd edib ki, sərgidə Azərbaycanın bölgələrində qorunan qədim tarixə malik “Qurani-Kərim” kitabları sərgilənir.

Sərgi 3 gün davam edəcək.